“Челси”дан ҳайдалган Тухель Англияга бормайди

The Telegraph нашри “Челси”дан истеъфога чиқарилган Томас Тухель Англия премьер-лигасида ишлаш имкониятидан фойдаланмагани ҳақида ёзмоқда.

Маълумотларга қараганда, номи сир туталаётган иккита клуб германиялик мутахассисга Англия премьер-лигасига қайтиш таклифи билан чиққан. Бироқ, Томас тухель бу чорловларни қабул қилмади.

Томас Тухель яқинда агар ўзига мос лойиҳа таклиф этиладиган бўлса, мураббий фаолиятини тиклашга тайёр эканини билдирганди.

49 ёшли мутахассис мураббий сифатида “Майнц”, “Боруссия Дортмунд”, ПСЖ ва “Челси”да ишлаган.