“Chelsi” yulduzi Italiya klublaridan ish so‘radi

“Chelsi” ikki mavsum davomida Angliya futboliga moslasha olmagan Timo Vernerdan voz kechishga qaror qildi.

Ma’lumotlarga qaraganda, “aristokratlar” hujumchisining agenti Folker Shtrut A Seriyaning eng qudratli klublari – “Yuventus” va “Milan” bilan aloqaga chiqib, ularga Timo Vernerni transfer qilish taklifini bildirgan.   

Bundan tashqari, Shtrut “Atalanta” mutasaddilari bilan ham muzokara o‘tkazdi. Biroq, Bergamo klubiga o‘tish varianti Vernerga yoqmadi.

Verner premer-ligada 15 ta uchrashuv o‘tkazib, bittadan gol va assis muallifi bo‘ldi xolos. “Aristokratlar” bu hujumchi uchun 2020 yilning yozida 53 million evro sarflagan edi. Transfer o‘zini oqlamayapti.