"Челси"га Италия терма жамоаси дарвозабони керак

Лондоннинг "Челси" клуби "Милан" дарвозабони Жанлуижи Доннаруммани ўз сафига қўшиб олмоқчи.

The Express нашрининг ёзишича, “аристократлар” вакиллари аллақачон бу масала юзасидан италиялик посбоннинг агенти Мино Райола билан алоқага чиқишган.

Айни дамда Доннарумма “россонерилар” билан 2021 йилга қадар имзоланган амалдаги шартномани узайтириш бўйича музокаралар олиб бормоқда.

Маълумот учун, Жанлуижи Доннарумма асли “Наполи” клуби тарбияланувчиси ҳисобланади. У “Милан” сафида 2013 йилдан буён тўп суриб келмоқда. Унинг айни дамдаги трансфер нархи эса 55 млн еврога баҳоланмоқда.