"Челси"га ПСВдан зўр футболчи келмоқда

ПСВ клуби ярим ҳимоячиси Нони Мадуэке фаолиятини ватанида давом эттириши мумкин. Уни Лондоннинг “Челси” жамоаси ўз сафига чорламоқда.

Таниқли инсайдер Николо Скиранинг хабар беришича, 20 ёшли англиялик футболчи “аристократлар” билан шахсий шартнома шартларини келишиб олган. “Челси” эса эйндховенликларга ушбу трансфер учун тахминан 30 миллион евро тўлайди. Келишув шу ҳафта расман эълон қилинади.

Эслатиб ўтамиз, жорий мавсум Нони Мадуэке ПСВ таркибида Нидерландия чемпионатида бешта ўйин ўтказиб, битта гол урган.