“Chelsi”ga yoqmagan o‘yinchini to‘rt klub talashyapti

Frantsiyalik himoyachi Aksel Disasi qishki transfer oynasi davrida Londonning “Chelsi” klubini tark etib, boshqa jamoaga ko‘chib o‘tishi kutilyapti.

Milan News 24 nashrining xabariga ko‘ra, “aristokratlar” murabbiylar shtabi 27 yoshli futbolchiga bundan keyin ham o‘yin amaliyoti bermoqchi emas.

Manba ma’lumotlariga ko‘ra, Disasining keyingi manzili Italiya A Seriyasi bo‘lishi ehtimoli oshib bormoqda.  Tajribali himoyachiga “Milan” va “Roma” ish taklif qilyapti.

Shuningdek, Disasi oldida Angliya Premer-ligasida qolish variantini ham mavjum. Xususan, “Vest Xem” va “Nyukasl” bu o‘yinchini o‘z safina qo‘shib olishga tayyorligini biddirgan.

Disasining bozor qiymati 15 million evroga baholanmoqda. Uning “Chelsi” bilan amaldagi shartnomasi 2029 yil yozigacha amal qiladi. Joriy mavsumda Aksel London jamoasi safida hali biror o‘yinda maydonga tushmadi.