Чемпион жамоа арзон олган юлдузини қимматга сотмоқчи

Италиянинг амалдаги чемпиони “Наполи” ёзги трансферлар даврида “Манчестер Юнайтед”дан тажрибали ярим ҳимоячи Скотт Мактоминейни 30 миллион еврога трансфер қилганди.

28 ёшли футболчининг А Серияда ўйини янада очилди. Энди Англия Премьер-лигасининг бир неча клублари уни ортга қайтармоқчи бўляпти.

Қизиғи шундаки, Мактоминейга даъвогарлик қилаётган “Арсенал”, “Тоттенхэм” ва “Эвертон” қаторига футболчини яқиндагина қўйиб юборган “Манчестер Юнайтед” ҳам қўшилди.

TEAMtalk нашрининг хабар беришича, “Наполи” бош мураббийи Антонио Конте шотландиялик футболчини жамоанинг муҳим ўйинчиси сифатида тан олган ва унга суянмоқда. Бироқ Неаполь шаҳри клуби хўжайинлари яхшигина даромад эвазига ўйинчи билан хайрлашишга қарши эмас.

Сўнгги маълумотларга кўра, “Наполи”  30 миллион еврога олинган Скоттт Мактоминейни 80 миллион еврога сотиб юборишга рози.

Мактоминей Италияда ўзини яхши ҳис қилаётган бўлса-да, агар ўзига маъқул келадиган таклиф тушса, Англия Премьер-лигасига қайтиб кетишга тайёрлигини билдирган.