Чемпион легионер нега "Алания"ни эмас, "Андижон"ни танлади? Футболчи шу ва бошқа саволларга қандай жавоб берди?

“Андижон” клуби албаниялик ҳужумчи Рубин Хебайнинг трансферини ҳал қилганидан хабарингиз бор.

Футболчи куни кеча Андижонга келди ва жамоа ихтиёрига қўшилди. Хебай “Андижон”нинг “Турон”га қарши ўртоқлик учрашувида захирадан майдонга тушди. Хебай Андижонга келгач, бир қатор саволларга жавоб қайтарди.   

- Рубин, “Андижон”га хуш келибсиз! Мана, ўртоқлик учрашувида биринчи ўйинингизни ўтказдингиз. Таассуротлар қандай?

- Биринчи таассуротларим жуда ҳам ажойиб. Клубда янги футболчилар бор. Ишонаманки, биз ушбу мавсумда яхши натижага эриша оламиз.

рубин1

- Клубга келганингиздан асосий мақсадингиз қандай?

- Менинг вазифам ҳужумчи сифатида келиш эди ва имкон қадар голлар уриш орқали жамоамнинг ғалабаларига ёрдам беришни истайман.

- Маълумотларга қараганда, Россиянинг “Алания” клуби сизга шартнома юборган. Нега таклифни қабул қилмадингиз?

- Менинг агентим улар билан гаплашганди. Лекин якунда биз келишувга эриша олмадик. Шунинг учун мен ҳозир “Андижон”даман. Олдинги чизиқда позитив натижалар учун ҳаракат қиламан.

- Қолаверса, сизга яна бошқа жойлардан ҳам таклифлар бўлди. Аммо уларнинг орасида “Андижон”нинг таклифи сизни нимаси билан қизиқтирди?

- Бу мен учун янги чемпионат бўлди. Янги чақириқ ва албатта бу менинг фаолиятимда янги ойна.

рубин4

- Билишимча, ҳозиргача фаолиятингизда бир қатор ютуқларни қўлга киритгансиз-а?

- Мен икки карра Албания чемпиони бўлганман. Битта Кубок мусобақасида ғолиб чиққанман. Шунингдек, Суперкубокда ҳам муваффақиятга эришганмиз. Шимолий Македония чемпионатида ҳам чемпионликка эришганман.

- Мухлисларнинг сиздан умиди катта. Қанча гол уришни мақсад қилгансиз?

- Худо насиб қилганича кўпроқ бўлишига ҳаракат қиламан. Мухлисларни хурсанд қилиш учун бор кучимни ишга соламан.

- “Андижон”да қайси рақамни танладингиз ва нима учун?

- 99-рақам менинг либосимда акс этади. Ё 9 ёки 99. Ҳужумчи сифатида шундай рақамларни танлайман. Умуман, бундан олдин ҳам 99-рақамда ўйнаганман. Шунинг учун бу рақам менга бегона эмас.

рубин2

- Албания билан Ўзбекистон чемпионатлари ўртасида қандай фарқлар бор?

- Албания йилдан-йилга яхшиланиб бормоқда. Ўзбекистон жамоалари ҳақида ҳозирдан бир нарса дея олмайман. Чунки клубларингиз хусусида тўлиқ маълумотга эга эмасман. Албания клублари билан катта фарқ қилади, деб ўйламайман. Бу хусусида мен ўйлаб кўришим керак. Бир нечта ўйинлардан сўнг сизга якуний жавобни айтишим мумкин бўлади.

Шуҳратбек Жўраев.  

 

Фикрлар

Фикр қолдириш учун авторизациядан ўтинг!
&
Ботир
27/02/2023 19:26
Хаммага омад
&
Bek 56
27/02/2023 06:23
Ишларинг илгари бу'лсин Рубин
&
Socceruzb
27/02/2023 04:05
Саволлар савиясиз