Чемпионатни мағлубиятсиз якунлаган нечта жамоа борлигини биласизми?

Бундеслигада “Бавария”нинг ўн йиллик гегемонлигига барҳам берган “Байер” тарихий чемпионликни қўлга киритди.

Биринчидан, леверкузенликлар ўз тарихида илк бор Германия чемпиони, деган номга сазовор бўлди.

Иккинчидан Хаби Алонсо шогирдлари лигани мағлубиятсиз якунлади. Бу Бундеслига тарихида илк бор кузатилмоқда.  “Доришунослар” 34 та ўйиндан 28 тасида зафар қучди ва олтита учрашувда рақиб билан очко бўлишди.

Статистика мутахассислари маълумотига кўра, XXI асрда “топ-5” чемпионатларида фақатгина учта жамоа мағлубиятсиз ўйин намойиш қилган.

2003-2004 йилги мавсумда “Арсенал” Англия Премьер-лигасининг 38 та беллашувидан 26 тасида ғолиб чиққан, 12 маротаба дуранг қайд этган.

Яна бир мағлубиятсиз кўрсаткични 2011-2012 йилги мавсумда “Ювентус” намойиш этганди. Ўшанда туринликлар 38 та ўйиндан 23 тасида ғалаба қозонган ва 13 та беллашувда дурангга розилик берган.