Чемпионлар лигаси плей-оффида иштирок этадиган 15 та клуб номи аниқ бўлди

УЕФА Чемпионлар лигасининг 2025/2026 йилги мавсуми умумий босқичининг 7-тури якунланди. Ушбу тур натижаларига кўра, 15 та клуб турнирнинг топ-24 жамоаси қаторига кириб, плей-офф йўлланмасини кафолатлади.

Плей-оффга чиққан жамоалар қуйидагилар: "Арсенал", "Бавария", "Реал", "Ливерпуль", "Тоттенхэм", ПСЖ, "Ньюкасл", "Челси", "Барселона", "Спортинг", "Манчестер Сити", "Атлетико", "Аталанта", "Интер" ва "Ювентус".

Қайд этиш жоизки, "Арсенал" ва "Бавария" аллақачон 1/8 финалга чиқишни ҳам таъминлаб бўлган. Лондонликлар жадвалда иккинчи ўриндан, мюнхенликлар эса тўртинчи ўриндан пастга тушмайди.

Маълумот учун, сўнгги 8-тур учрашувлари 28 январь, чоршанба куни бўлиб ўтади.