Чемпионлар лигаси плей-оффига чиққан барча жамоалар аниқланди

Европа Чемпионлар лигасининг умумий босқичи якунларига кўра, плей-оффга чиққан ва бош соврин учун курашни давом эттирадиган барча жамоалар номи маълум бўлди.

Европанинг энг нуфузли турнирида 1/8 финалга тўғридан тўғри умумий босқичда кучли саккизликдан ўрин олган «Арсенал», «Бавария», «Ливерпуль», «Тоттенхэм», «Барселона», «Челси», «Спортинг» ва «Манчестер Сити» иштирок этадиган бўлди.

Кейинги ўринларни эгаллаган «Реал», «Интер», «Пари Сен-Жермен», «Ньюкасл», «Ювентус», «Атлетико», «Аталанта», «Байер», «Боруссия» Д, «Олимпиакос», «Брюгге», «Галатасарай», «Монако», «Қарабоғ», «Будё-Глимт» ва «Бенфика» уй-сафар тизимида иккитадан ўтиш ўйинларини ўтказади.

Жамоаларнинг илк учрашувлари 17 ва 18 февраль кунлари бўлиб ўтади. Жавоб ўйинлари эса 24 ва 25 февраль 2026 йилда ўтказилади.