Чемпионлар лигасидан чиқиб кетган “Атлетико” катта трансферга қўл уради

“Атлетико” футболчилари бу йил Европа Чемпионлар лигаси нимчорак финал учрашувида ўз ҳамшаҳарлари – “Реал” тўсиғидан ўта олмади.

Шундан сўнг, клуб директорлар кенгаши келаси мавсум олдидан жамоанинг ҳужумкорлик салоҳиятини оширишга қарор қилди. Мутасаддилар бу вазифани “Манчестер Юнайтед”га керак бўлмай қолган истеъдод эгаси Алехандро Гарначо ёрдамида амалга оширмоқда.

“Атлетико” устози Диего Симеоне аргентиналик футболчининг иқтидорини жуда юқори баҳоламоқда. Тажрибали мураббий Гарначо учрашув тақдирини жамоа фойдасига ҳал қила оладиган даражада истеъдодли эканига ишоняпти.

Манчестерликлар ҳам Гарначони клуб келажаги сифатида биларди. Лекин жамоани Рубен Аморим қабул қилиб олганидан кейин Алехандронинг ишлари юришмай қолди. Энди “Юнайтед” бу ўйинчи бўйича таклифларни кўриб чиқишга тайёр.

Мадридликлар эса, Гарначо атрофидаги вазиятдан унумли фойдаланиб қолмоқчи.  Ҳужумкор футболчи ҳозирги жамоасида 43 та учрашув ўтказиб, саккизта гол ва еттита ассист муаллифи бўлди.