Чемпионлик учрашуви олдидан "Бавария"да жиддий йўқотиш бор

"Бавария" клуби ярим ҳимоячиси Тиаго Алькантара жароҳати сабаб Бундеслиганинг 28-туридан ўрин олган "Боруссия" Дортмундга қарши баҳсни ўтказиб юборади.

Bild нашри тарқатган хабарга кўра, 29 ёшли испаниялик футболчи мушакларидан олган жароҳатидан ҳали ҳам тўлиқ фориғ бўлмаган. У айнан шу сабабли ўтган тур “Айнтрахт”га қарши баҳсда ҳам иштирок эта олмаганди.

Эслатиб ўтамиз, “Боруссия” Дортмунд ва “Бавария” ўртасидаги беллашув эртага Тошкент вақти билан соат 21:30 да бошланади.