Чими янгиланган "Миллий" стадион КХДР ва Сурияга қарши ўйинга тайёр

Пойтахтимизда жойлашган "Миллий" стадионнинг чимини янгилаш ишлари олиб борилаётгани ҳақида аввал хабар бериб ўтгандик. Ўзбекистон футбол ассоцияси буюртмасига асосан Туркиянинг "Iren"компанияси томонидан стадион чими замонавий талабга жавоб берадиган даражага олиб келинди.

 

ЎФА расмий сайтининг хабар беришича бугун Ўзбекистон ёшлар терма жамоаси ҳамда Про-лиганинг "Рубин" жамоаси ўртасидаги ўйин орқали  майсанинг биринчи тести ўтказилди. 10 кундан сўнг иккинчи синов амалга оширилади. 

 

Хабарингиз бор, июнь ойида Ўзбекистон миллий терма жамоаси  КХДР ва Сурия терма жамоаларига қарши ўртоқлик ўйинлари ўтказади. Мазкур ўйинлар "Миллий" стадионда ўтказилиши режалаштирилган. Шу сабабдан ҳам майдон майсасини синовдан ўтказиш жараёнида миллий терма жамоамиз бош мураббийи Эктор Купер, шунингдек, Олимпия терма жамоаси устози Любинко Друлович ҳамда ЎФА мутасаддилари иштирок этишди.