Дадаҳон Ҳасанов Ҳабиб Нурмагомедов ташриф буюрадиган кечада жанг қилади

18 июнь куни Қозоғистоннинг Алмата шаҳрида профессионал ММА бўйича Ҳабиб Нурмагомедовга тегишли бўлган EFC промоушени ўзининг навбатдаги жанг кечасини ташкил этади. Биз учун аҳамиятли жиҳати мазкур кечага ҳамюртимиз Дадаҳон Ҳасанов ҳам октагонга кўтарилади. Унга тожикистонлик Ражабали Файзидини рақиблик қилади. Шунингдек, жанг кечасига Ҳабиб Нурмагомедовнинг ташрифи ҳам кутилмоқда.

31 ёшли Ҳасанов ММА кечаларининг нуфузли марказий жангларида реферилик фаолияти билан ҳам шуғулланиб келмоқда. У ҳозирга қадар 16 та жанг ўтказиб, улардан 10 тасида ғалаба қозонган. Бу борада Файзидини 10 марта октагонга кўтарилган ва 6 бора рақибларини мағлуб этишга эришган.

Мазкур жангда ҳамюртимизга омад тилаймиз!