Дана Уайт: "Жин урсин Пауло Костани. Сен жанг қилмайсан, лекин биз сенга пул тўлаяпмиз"

Бразилиялик ММА устаси Пауло Коста UFC га учта вариант берганди. Яъни биринчиси, уч раундлик жанг ўтказиш, иккинчиси (UFC қўшимча ҳақ тўласа) 5 раундлик баҳс, учинчиси эса амалдаги шартномаси бўйича сўнгги бор октагонга чиқиб, кейин UFC дан кетишни талаб қилганди. 

UFC раҳбари Дана Уайт Костанинг ультиматумига қуйидагича жавоб қайтарди.

"Бу нимани англатиши унчалик тушунарли эмас, чунки Паулога жанглар таклиф қилишган, у эса бош тортган. Афтидан, Пауло норози, лекин биз айтмаяпмиз-ку: Жин урсин бу Пауло Костани. Сен жанг қилмайсан, лекин биз сенга пул тўлаяпмиз, деб.

Жангчиларга мунтазам равишда йилига учта жанг таклиф қилинади. Том Аспиналлнинг кўзида муаммо бор, лекин унга ҳам жанглар таклиф қилинмоқда. Шундай экан, ҳамон Паулога таклиф берилмаган, деб ўйлайсизми?!" – деди промоушен раҳбари Лас-Вегасдаги матбуот анжуманида.