Даниэль Кормье: "UFC собиқ чемпиони февраль ойида қамоқдан қўйиб юборлиши мумкин"

Икки дивизионда UFC собиқ чемпиони Даниэль Кормье собиқ чемпион Кейн Веласкеснинг суди ҳақидаги янгиликлар билан ўртоқлашди ва унинг тезроқ озод қилинишига умид билдирди.

"Кейн Веласкеснинг шартли равишда озод қилиниши санаси келаси йилнинг февраль ойига кўчирилди. Келинг, чемпион сўнгги бир неча йил ичида бошидан кечирган барча нарсалардан сўнг уйига қайтиб, янгидан бошлай олиши учун дуо қилайлик. Уйда бўлган вақтида Кейн ҳеч кимга таҳдид солмади, у шунчаки машғулот ўтказди. Умид қиламан, бу янгилик унга байрамлар олдидан куч беради ва уйига қайтиши учун тайёрлайди. Кейнни қўллаб-қувватланг", - дея Кормьенинг сўзларини келтирди "Red Corner MMA".

Эслатиб ўтамиз, Веласкес 2022 йил февраль ойида қотилликка уриниш ва бошқа бир қатор жиноятларда айбланиб ҳибсга олинганди. Ўшандан бери унинг иши судда бир неча бор кўриб чиқилган ва суд мажлислари ва озод қилиниши мумкин бўлган сана бир неча бор қолдирилган. Кейннинг узоқ йиллик дўсти ва спарринг шериги Корме мунтазам равишда уни қўллаб-қувватлаб, мухлисларни собиқ чемпионнинг ютуқлари ва қийин аҳволини унутмасликка чақирмоқда.