Дармиан МЮ раҳбариятидан ўзини трансферга қўйишни сўради

"Манчестер Юнайтед" клуби ҳимоячиси Маттео Дармиан жамоадан кетмоқчи ва Италияга қайтмоқчи.

La Gazzetta dello Sport нашри тарқатган хабарга кўра 29 ёшли италиялик футболчи ўзини трансферга қўйишни сўраб МЮ раҳбариятига мурожаат қилган.

Эслатиб ўтамиз, бундан аввалроқ Дармианга "Ювентус", "Фиорентина" ва "Интер" каби А Серия грандларидан қизиқишлар мавжудлиги ҳақида хабарлар тарқалган эди.

Маълумот учун, Дармиан ўтган мавсум АПЛда бор йўғи 6та ўйинда майдонга тушди холос. Унинг клуб билан амалдаги шартномаси 2020 йилга қадар имзоланган. Унинг трансфер нархи эса 10 миллион еврога баҳоланмоқда.