Dastin Shtoltsfus - Nursulton Ro‘ziboev. Mashhur saytlar jang natijasini taxmin qildi

Xabaringiz bor, 17 dan 18 mayga o‘tar kechasi soat 01:00 (O‘zbekiston vaqti bilan) "UFC Fight Night 256" turniri start oladi. E’tiborlisi, unda hamyurtimiz Nursulton Ro‘ziboev va mebonlar vakili Dastin Shtoltsfus o‘zaro kurash olib boradi.

Bir necha mashhur saytlar ushbu jangning taxminiy natijasini e’lon qildi.

"MMA Fighting" nashri: Ro‘ziboev Shtoltsfusni parterga olib o‘tadi va o‘sha erda zarbalar yog‘dirib, nokaut qiladi yoki sabmishn orqali taslim etadi. 

"The Stat Zone" nashri: Ro‘ziboev Brunno Ferreyrani 77 soniyada nokautga uchratdi, Shtoltsfus esa Ferreyradan nokaut bo‘lgan edi. Shu bois bu bahsda katta ehtimol bilan Nursulton muddatdan avval g‘alaba qozonadi.

"Clutch Points" nashri: Dastin erta nazoratni qo‘lga kirita olmasa, kuchli zarbaga ega Ro‘ziboev jangni erta yakunlaydi.

"Sports.uz" sayti ushbu bellashuvda Nursulton Ro‘ziboev muddatdan avval g‘alaba qozonishini taxmin qilmoqda.