Давид Луиз фаолияти давомида бирга ўйнаган энг зўр футболчи кимлигини айтди

Лондоннинг “Арсенал” клуби ҳимоячиси Давид Луиз аргентиналик машҳур футболчи Пабло Аймар ҳақида илиқ фикрларни билдириб ўтди.

“Фаолиятим давомида менга жуда кўп футболчилар ёрдам беришди. Аммо, улар орасида Пабло Аймар алоҳида ажралиб туради. Бир кун у олдимга келиб, менга тўпни қандай қилиб ҳимоядан ҳужумга олиб бориш кераклигини ўргата бошлади. У шунингдек майдонда ўзим учун худуд яратишни ва чизиқлар бўйлаб узатмаларни амалга оширишни ўргатди. Мен бундай маслаҳатларни аввал ҳеч қачон олмаган эдим.

Аймар – мен бирга тўп сурган энг зўр футболчи. У Мессининг кумири, шунингдек менинг ҳам кумирим бўлиши керак. Мен ундан жуда кўп нарсаларни ўрганганман”, - дейди бразилиялик футболчи.

Маълумот учну, Луиз ва Аймар 2008-2011 йилларда “Бенфика” сафида бирга тўп суришган.