Даврон Файзиев: Бундай жавоҳирни клуб узоқ яшира олмасди

Англия чемпионатида 2020-2021 йилги мавсум якунланди. Охирги тур учрашувлари ва бошқа маълумотларни сайтимиз орқали тақдим этиб бордик.

Таниқли шарҳловчи Даврон Файзиев телеграмдаги саҳифасида АПЛ якуни бўйича ўз мулоҳазаларини тақдим этди.

АПЛ якун турнир жадвали қайндай кўриниш олди? Еврокубокларга йўлланма олган жамоалар маълум (Фото)

- АПЛ якунига етди. Бутун чемпионат қандай ўтган бўлса, сўнгги тур ана шундай кечди. "Манчестер Сити" хотиржам тарзда "Эвертон"ни "сочиб ташлади". Чемпионлар лигаси учун эса охиригача жанг бўлди. "Челси"ни "Тоттенхэм" қутқариб қолди. Учрашув давомида "Лестер"ни қувиб, якунда "Челси" фойдасига ғалаба қозонди. Тухель яна бир финални бой берди, аммо бу сафар асосий мақсадига эришди. Олдинда эса ҳал қилувчи финал. "Лестер"га бу сафар ҳам даража етишмади.

"Тоттенхэм" ва "Арсенал" Чемпионлар лигасидан қуруқ қолишди. "Арсенал" умуман Еврокубоклар бортидан четда қолиб кетди. Артета фаолиятини қоқилиб бошлади. "Тоттенхэм"да овунчоқ бор, Харри Кейн. АПЛнинг энг яхши тўпурари ва энг яхши ассистенти. Бунақаси Премьер лигада фақат уч марта рўй берган. Бундай жавоҳирни клуб узоқ яшира олмасди. Кейн "Тоттенхэм"ни тарк этади.

Англия Премьер Лигаси - биз сени соғиниб кутамиз, - дея фикрларини якунлади Даврон Файзиев.