Ҳусановнинг собиқ жамоасига хушхабар!
Жума оқшомида “Анже”ни 5:1 ҳисобида янчиб ташлаган "Ланс" жамоаси ҳозирда Франция чемпионатида вақтинча биринчи ўринда бормоқда. Гарчи ПСЖда ҳали ўйинлар бўлса-да, бу ғалаба парижликларга яхшигина босим ўтказди.
Лекин мухлислар учун энг муҳим хабарни ўйиндан сўнг жамоа мураббийи Пьер Саж маълум қилди. Унинг айтишича, терма жамоалар танаффусидан сўнг таркибдаги бир нечта асосий футболчилар сафга қайтади.
Кимлар майдонга қайтади?
Мураббийнинг таъкидлашича, кутилаётган муҳим баҳсларда қуйидаги футболчилар жамоага ёрдам бера олади:
Рубен Агилар
Самсон Байду
Уэсли Саид
Артур Матю-Экю (у ўзининг охирги дисквалификация ўйинини ўтаб бўлди).
Бу янгилик “Ланс” учун айни муддао бўлди. Чунки танаффусдан кейин жамоани “Лилль”га қарши жуда муҳим “Шимол дербиси” кутиб турибди.
Ҳозирча "Ланс" жадвалда биринчи ўринда, ПСЖ эса шанба оқшомида “Ницца” меҳмони бўлади. Мураббий Пьер Сажнинг айтишича, агар ҳаммаси режадагидек кетса, жароҳатдан қайтган бу ўйинчилар билан “Ланс” янада кучаяди.
Фикрлар