Даврон Файзиев: Ўрнак...

Таниққли шарҳловчи Даврон Файзиев телеграм каналида бугун туғилган кунини нишонлаётган Криштиану Роналду ва Неймар ҳақида фикр билдирди. 

- Неймар ва Роналду бир кунда туғилган. Бири 30, иккинчиси 37 ёшга тўлди. Яна қандай ўхшашлик бор? Иккиси ҳам ўрнак олиш учун яққол мисол бўла олади.

Роналду. Минимал имкониятлардан максимум фойдаланиб, ўсиш ва доимий ривожланиш ҳисобига чўққига чиқа олди. Ўзига, жисмоний тайёргарлигига, интизомга, кун тартиби ва қатъий диетага тўлиқ риоя қиладиган, ўта талабчан. Фаолиятни қандай олиб бориш, ишга ёндошиш бўйича яққол ўрнак.

Хайрулла Ҳамидов: Дўстим, порлаб, ёриб, чиқиб келганингда, шу ёшгача камида икки-уч "олтин тўп" оласан, деб ўйлаган эдик, эссиз...

Неймар. Замонасининг энг талантли ўйинчиси бўлишига қарамай, фаолиятига масъулиятсиз муносабатда бўлиши оқибатида потенциалининг ярмини намойиш этган холос. Профессионаллик ва тартиб-интизом етишмаслиги натижасида у мутлақ лидер бўла олмаган. Қизиғи, шу ҳолатида ҳам у барибир доим ТОПлар қаторида эди. Ҳаракат қилганда эса… Асосий мақсаддан чалғиб, ўз вақти, кучи, энергияси ва истеъдодини бошқа нарсаларга сарфлаб, кўп нарсани бой бериш борасида ўрнак.

Неймардек талантга эга бўлиб, Роналдудек фойдаланинг. Супер юлдузларни эса туғилган кун билан табриклаймиз! - деди Даврон Файзиев.