Davron Fayziev: Stadionga kelgan muxlislar afsuslanmaydigan o‘yin guvohi bo‘lishdi

"Namanganliklar men qo‘rqqan vaziyatda darvozamizni ikki marta ishg‘ol etishdi.Bu borada mehmonlarga standart vaziyatlar juda qo‘l keldi. Umuman olganda, Superliganing super jamoasiga munosib qarshilik ko‘rsata oldik.

Bugun jamoamiz 1 ochko ishladimi yoki 2 ochko yo‘qotdimi, degan savolga javob berishni esa muxlislarga qoldirgan bo‘lar edim. Bugun stadionga kelgan ishqibozlar afsuslanmaydigan o‘yin tomosha qilishdi. Maydonda jangovar tarzda harakat qilgan shogirdlarim bilan esa faxrlanaman", - deb Fayzievning so‘zlarini keltirib o‘tdi "Navbahor" matbuot xizmati.