Де Брёйне "Сити" янги ўйинчиси Фернандес унинг даражасига яқин ҳам кела олмаслигини уқтирди

«Манчестер Сити» афсонаси Кевин де Брёйне жамоанинг янги ярим ҳимоячиси Энцо Фернандес ҳақида кескин фикр билдирди. Аргентиналик футболчи Англия тарихидаги рекорд суммадан бири эвазига «Сити»га келиб қўшилганига қарамай, бельгиялик юлдуз ҳозирча икки ўйинчи ўртасидаги таққослашларни эрта, деб ҳисоблайди.

«Мухлислар Энцони менинг ворисим, деб атаяптими? Ростини айтсам, бу ҳаддан ташқари гап. Энцо – яхши футболчи. Унда маҳорат ҳам, салоҳият ҳам бор, келажакда у жуда муҳим ярим ҳимоячига айланиши мумкин. Лекин очиғини айтганда, у ҳозирча мен «Манчестер Сити»да кўрсатган даражага яқин ҳам эмас», – дея Кевин де Брёйненинг сўзларини Goal нашри келтиради.

Бельгиялик футболчига кўра, катта трансфер пули Фернандес атрофида ортиқча шов-шув ва юқори кутилмаларни юзага келтирмоқда.

«Баъзан менга шундай туюладики, одамлар уни трансфер нархи ва Аргентина билан қўлга киритган ютуқлари туфайли ортиқча баҳолашяпти. 125 миллион фунт сени автоматик тарзда жаҳон даражасидаги ярим ҳимоячига айлантирмайди. У ҳали кўп нарсани исботлаши керак. Агар у менинг ворисим бўлишни истаса, бuni майдондаги ўйини билан кўрсатиши лозим. Менинг 17-рақамимни танлаш – бир гап, Кевин де Брёйнени алмаштириш эса мутлақо бошқа нарса», – деди у.

Эслатиб ўтамиз, Энцо Фернандес аввалроқ ўзининг 17-рақамни танлаши Де Брёйне билан боғлиқ эмаслигини айтган эди. Аргентиналик футболчи илк бор айнан шу рақам остида Аргентина терма жамоаси сафида майдонга тушган.