Де Росси А Серияда қолишга қарор қилди
Италиялик машҳур ярим ҳимоячи Даниэле де Росси фаолиятини Италия А Сериясида давом эттирмоқчи. Бу ҳақда Sky Sport Italia нашри хабар тарқатмоқда.
Таъкидлаш керакки, 35 ёшли футболчида “Бока Хуниорс” ёки МЛС клубларидан бирига ўтиш имконияти бор эди. Бироқ, у А Серияда қолишни танлади.
Де Росси 27 июнь куни таътилдан қайтади ва шундан сўнг ўзига қизиқиш билдираётган италян клублари билан музокараларни бошлайди. Айтиш лозимки, у янги жамоаси билан фақат 1 йиллик шартнома имзоламоқчи.
Эслатиб ўтамиз, Де Росси узоқ йиллардан буён “Рома” сафида тўп суриб келаётган эди. Бироқ, римликлар у билан шартномани узайтиришни хоҳлашмади. У айни дамда эркин агент ҳисобланади.
Фикрлар