Де Росси океан ортида тўп суради

"Рома" клуби собиқ ярим ҳимоячиси Даниэле Де Росси фаолиятини Аргентинада давом эттиради. Италиялик машҳур журналист Жанлуки Ди Марционинг хабар беришича 35 ёшли италиялик футболчи "Бока Хуниорс" билан шартнома имзолайди.

Юқоридаги манбаага кўра Де Росси аргентиналиклар билан шахсий келишувга эришиб бўлган. У тез орада тиббий кўрикдан ўтиш ва шартномани имзолаш учун Буэнос-Айресга учиб кетади.

Эслатиб ўтамиз, Де Росси айни дамда эркин агент ҳисоблангани боис "Бока Хуниорс" сафига текинга бориб қўшилади.

Маълумот учун, Де Росси асли “Рома” тарбияланувчиси ҳисобланади. У римликлар шарафини 2002 йилдан буён ҳимоя қилиб келаётган эди.