Де Хеа қуруқ ўйин ўтказиш бўйича афсонавий дарвозабонга етиб олди

"Манчестер Юнайтед" дарвозабони Давид Де Хеа АПЛ доирасида "Кристал Пэлас"га қарши бўлиб ўтган учрашувда дарвозаси дахлсизлигини сақлаб қолди.

Бу испаниялик футболчи учун манкунианликлар либосидаги 112-қуруқ ўйин бўлди. Шу тариқа, Де Хеа МЮ сафида қуруқ ўйин ўтказиш бўйича афсонавий голкипер Петер Шмейхелга етиб олди.

Даниялик дарвозабон ушбу натижани 252 та ўйинда қайд этган бўлса, унинг натижасини қайтариш учун де Хеага 311 та учрашув керак бўлди.

Ушбу кўрсаткич бўйича учинчи ўринни Эдвин ван дер Сар (186 та ўйинда 90 та) эгаллаб турибди.

Матнда хатолик топсангиз, ўша хатони белгилаб, бизга жўнатинг (Ctrl + Enter)