Де Йонг «Барселона»нинг Родри бўйича қароридан ҳайратда

«Барселона» ярим ҳимоячиси Френки де Йонг клубнинг «Манчестер Сити» футболчиси Родри Эрнандесни олиш режасига ҳайрон қолгани айтилмоқда. Бу ҳақда The Touchline нашри хабар берди.

Манба маълумотича, де Йонг каталонияликлар испаниялик тажрибали таянч ярим ҳимоячини олишни истаяётганини эшитганда кутилмаганда ажабланган. Голландиялик футболчи Родри жамоага келадиган бўлса, асосий таркибдаги ўрнини йўқотишдан хавотирга тушгани қайд этилмоқда.

Ҳозирча де Йонг жароҳатдан тўлиқ тикланиш устида ишлаяпти. Ўтган мавсумда 29 ёшли ярим ҳимоячи барча мусобақаларни ҳисобга олганда 38 та ўйинда майдонга тушиб, бир бор гол урди ва саккизта голли узатма муаллифига айланди.