Де Йонг: “Мен клубни тарк этаман. Агарда … “

“Барселона” футболчиси Френки де Йонг клубни тарк этиши ҳақидаги саволларга жавоб берди. 
 
“Одамлар мени "Барса"да абадий қолмоқчи деб ўйлашади. Бунинг сабаби шуки, бу ерда футболдан ташқари, ҳаёт ҳам жуда яхши. Агарда мен етарли даражада рақобат қила олмаётганимни сезсам, клубдан кетган бўлар эдим" – деди нидерландиялик ярим ҳимоячи. 
 
Хабарингиз бор, Френки сўнгги йилларда жуда кўп жароҳатлар олиб, кўплаб ўйинларни ўтказиб юбормоқда. Шундан сўнг клуб раҳбарлари футболчини жароҳатга мойил деб ҳисобламоқда. Шу сабабли, 27 ёшли ўйинчи қишки трансферлар ойнасида “кўк-анорранглилар”ни тарк этиши мумкин. 
 
Маълумот ўрнида, ҳавбек бу мавсум каталонияликлар сафида 13 та учрашувда иштирок этиб, 1 та гол ва 1 та голли узатмага муаллифлик қилди. Унинг клуб билан шартномаси 2026 йилгача мўлжалланган бўлиб, Тransfermarkt порталидаги нархи 45 миллион евро деб баҳоланмоқда.