De Zerbi: "Tottenxem" kurashni to‘xtatmasligi kerak"

"Tottenxem" bosh murabbiyi Roberto De Zerbi APL doirasida "Aston Villa" ustidan 2:1 hisobidagi g‘alabadan so‘ng o‘z fikrlari bilan o‘rtoqlashdi.

35 turdan keyin "shporlar" turnir jadvalida 17-o‘rinni egallab turibdi.

"Biz ikki goldan ko‘proq urishimiz mumkin edi, ayniqsa birinchi bo‘limda. Raqibga deyarli imkoniyat bermadik va juda yaxshi o‘ynadik. Maydondagi to‘g‘ri kayfiyat va intizom — o‘yindan mamnunman.

Bu o‘yindan oldin ham futbolchilarim juda yaxshi ekanini bilardim. Biz "Vulverxempton"ga qarshi o‘yin (1:0) oldidan qanday holatda bo‘lganimizni unutmasligimiz kerak. Mavsum hali tugamadi va faqat ikki g‘alaba bilan cheklanib qolmasligimiz lozim. Shu kayfiyatda ishlashda davom etishimiz shart.

Menimcha, asosiy vazifam — futbolchilarga o‘z sifatlarini ko‘rsatishga yordam berish. Ularning darajasi omon qolish uchun kurashish emas, ammo bu holatni qabul qilib, ko‘p gapiradiganlardan kuchliroq bo‘lishimiz kerak.

Biz bosimni his qilishni to‘xtatmasligimiz kerak. Vaziyat har hafta o‘zgarishi mumkin. Jadvaldagi o‘rnimizni va "Vulvs"ga qarshi o‘yin oldidan nimani his qilganimizni unutmasligimiz lozim. Kurashni davom ettiramiz", — dedi mutaxassis.