Дембеле "Лион"га қарши жавоб баҳсини ўтказиб юбориши мумкин

"Барселона" клуби ҳужумчиси Усман Дембеле "Райо Вальекано"га қарши Испания чемпионати 27-тур ўйинида жароҳат олди.

Sport нашрининг тарқатган хабарига кўра, 21 ёшли француз футболчиси тез орада тиббий текширувлардан ўтади ва шундан сўнг унинг жароҳати қай даражада жиддий эканлиги аниқланади. Айни дамда жамоа вакиллари Дембеленинг "Лион"га қарши ЕЧЛ 1/8 финал жавоб баҳсини ўтказиб юборишидан хавфсирамоқда.

"Барселона" – "Лион" учрашуви 13 март куни "Ноу Камп" стадионида бўлиб ўтади. Жамоаларнинг Лиондаги биринчи тўқнашуви 0:0 ҳисобидаги дуранг билан якунланган.