Денис Шаповалов 20 ёшида чемпион бўлди

Канадалик теннисчи Денис Шаповалов Швеция пойтахти Стокгольм шаҳрида ўтказилган турнирда бош совринга эга чиқди.

Мусобақанинг сўнгги ҳал қилувчи финал учрашувида Денис сербиялик Филипп Крайиновични ҳар иккала сетда бир хил 6:4 ҳисобида енгди.

Шу тариқа "Intrum Stockholm Open" турнирининг ғолиби бўлган Шаповалов 250 рейтинг очкоси ҳамда 109,590 евро пул мукофоти билан тақдирланди.