Депрессия, «Энфилд»даги омадсизлик ва янги режалар!

2014 йилнинг 27 апрель санасида «Энфилд» мотам тутишга мажбур бўлди. Стивен Жеррарднинг сирғаниб кетиши узоқ кутилган чемпионлик орзусини армонга айлантирди. Келаси мавсумда, шимолий ирландиялик мураббий қўл остида «Ливерпуль» тўлиқ таназзулга юз тутди. Илк 8 турдан сўнг, «мерисайдликлар» 10-ўринга тушиб кетади. Клуб раҳбарлари Брендан Рожерсга чиқиш эшикларини кўрсатиб юборди. Унинг ўрнини эгаллаган Юрген Клопп «Ливерпуль»ни супер клубга айлантирди. Чемпионликка бир қадам қолганда қоқилган Рожерсни ҳаётида оғир кунлар бошланди…

икутвщт

Истеъфога чиққач, Брендон жуда оғир руҳий тушкунликка тушиб қолди. Ёш мураббий «Ливерпуль» билан омадсизликка учраганини ҳазм қилиши имконсиз эди. АПЛда эндигина бир мавсум ўтказган инсонга «Ливерпуль» ишониб топширилганини унутмаслик лозим. Ҳаётидаги энг катта имкониятни қўлдан чиқариб юбормаслик учун Рожерс куну-тун жамоа ҳақида қайғурди. Орадан бир неча йиллар ўтгачгина, мутахассис «Ливерпуль»даги фаолияти жуда қийин кечганини тан олди.

“Бундай катта клубда яхши кунларда ҳам осон бўлмайди. «Энфилд»даги ҳар бир дақиқамдан лаззат олганман, аммо бу йиллар жуда оғир ўтган.”

Истеъфога чиққан мураббийга бир нечта инглиз клублари таклиф билан чиқди, бироқ у дам олишга қарор қилди. Аввалига Испанияга, кейин Дубайга ва якунда шифохонага йўл олди.

«Дубайдаги меҳмонхоналардан бирида шифтга тикилиб ётган пайтим юрагим тўхтаб қолгандек туюлди. Тақдирнинг оғир зарбасидан сўнг, қачондир юрак хуружи билан шифоханага ётишимни тахмин қилган эдим. Мени тез ёрдам машинасида шифохонага етказишди.»

Маълум бўлишича, унинг юрагида ҳеч қандай хуруж кузатилмаган. Мураббийга шифокорлар руҳшунос билан ишлашни тавсия қилишади. Англияга қайтгач, Брендан ўз ҳаёт тарзини, иш фаолиятини кескин ўзгартирди. Биринчи навбатда, совуққон бўлишга уринди. Рожеэрс катта футболга қайтишдан аввал ўзини яхшилаб тайёрлади. Руҳан ва жисмонан. Хотиржам ҳаёт тарзи  шарти билан яна ўзи севган касбга қайтди.

2015 йилнинг октябр ойида Ливерпулни тарк этган мураббий 2016 йилнинг майида «Селтик» билан шартнома имзолади. Coach атайин кўримсизроқ чемпионатни танлади. Шотландия биринчилиги фаолиятини қайта ишга тушириш учун идеал жой. 2,5 йил мобайнида Рожерснинг «Селтик»ки ички биринчиликдаги барча совринларни ютиб олди. Ўзига бўлган ишончни тиклаб олган мураббий жамоа раҳбарларига миннатдорчилик билдирди ва кетди. Рожерсни «Келт»лар аъзолари қарсаклар билан кузатиб қўйишди. Айниқса, жамоа ҳужумчиси – Ли Гриффитс! Рожерс келганида, футболчи жуда оғир руҳий ҳолатда эди. Брендон ўзи сингари руҳан эзилган футболчини ёруғликка олиб чиқишни уддалади.

Мураббий ҳужумчига ўзини англаши учун эркин дам олиш имконни берди. Гриффитс 7 ой жамоа машғулотларида иштирок этмади. У тўлиқ тикланди ва ўзгача «қиёфада» жамоага қайтди.

«Бу кунларни эслагим келмайди. Рожерс келганида, жуда оғир аҳволда эдим. У мени тикланишим учун уйга жўнатиб юборди. Ҳар куни қўнғироқ қилиб хабар олди. Тайёр бўлган кунинг сени клуб базасида кутишини айтди. Ҳозир ҳаммаси жойида. Мен жамоанинг энг қувноқ йигитларидан бириман.»

Шотландиядаги ёқимли кунлардан сўнг, 2018/19 йилги мавсумда мураббий яна АПЛга қайтди. У «Лестер»да Клоп Пуелнинг ўрнини эгаллади. Рожерс бошқарувида жамоа турнирни 9 ўринда якунлади.

лщукпщуклпук

Кейинги мавсум «тулкилар» учун аламли бўлди. Сўнгги турларда йўқотилган очколар сабабли жамоа 5-поғонага тушиб кетди. ЕЧЛ йўлланмаси жуда  яқин бўлса ҳам, пандемия «Лестер»га салбий таъсир қилди.

Унинг қўл остида клуб футболчиларида прогресс кузатилмоқда. Таркибдаги муаммоларга қарамай, Рожерс «Лестер» билан илдам қадамлар ташлашда давом этмоқда. Яқиндагина у Юрген Клопп бошчилигидаги «Ливерпуль»ни таслим этди. Бу ғалабадан сўнг, мураббий тўғри йўлдан кетаётганини чуқур ҳис этган бўлса, ажаб эмас.

Аслида, Брендан катта футболга жуда эрта кириб келган. 31 ёшидаёқ Жозе Моуриньо томонидан клуб академиясига таклиф қилинган мутахассис катта ютуқларга эришди. «Суонси»даги ажойиб мавсум ва «Ливерпул». Ўша пайтдаги Рожерс билан ҳозиргиси ўртасида фарқ жуда катта.

Бугунги Брендан ҳаётий тажрибага эга, совуққон хотиржам. У майдондаги ҳар бир ғалабасидан сўнг янада кучли шахс ва мураббийга айланиб бормоқда. Инглиз нашрларининг маълум қилишича, Cоач аллақачон гранд клубларда ишлашга тайёр. Унинг «катта» клублардан бирига  қайтиши аниқ, бироқ бу қачон ва қандай содир бўлиши номаълум.

Матнда хатолик топсангиз, ўша хатони белгилаб, бизга жўнатинг (Ctrl + Enter)