Дэвид Бенавидес: "Теренс Кроуфорд — тарихдаги энг буюк боксчилардан бири"

Ярим оғир вазнда WBC чемпиони Дэвид Бенавидес америкалик Теренс Кроуфорднинг мексикалик Сауль "Канело" Альварес устидан қозонган ғалабаси ҳақида ўз фикрларини билдириб ўтди.

"Аввало, Теренсни мазкур зафар билан табрикламоқчиман. У — тарихдаги энг буюк боксчилардан бири. Бу нафақат учта вазн тоифасига кўтарилгани, балки ўз давримизнинг энг кучли жангчиларидан бирини мағлуб этгани учундир. Менимча, кўплаб жангчилар Кроуфорддан ўрнак олишлари керак. Гап фақат унинг техникасида эмас, балки энг аввало руҳий кучида!", - деди Бенавидес "Ring Magazine" You Tube каналига берган интервьюсида.

Эслатиб ўтамиз, Кроуфорд 14 сентябрь куни Альваресни очколар эвазига мағлуб этиб, иккинчи ўрта вазнда мутлақ жаҳон чемпионига айланганди.