Ди Мария Франция чемпионати савияси ҳақида гапирди

ПСЖ ярим ҳимоячиси Анхель Ди Мария ўзининг Франция чемпионати ҳақидаги фикрлари билан ўртоқлашди.

Аргентиналик футболчининг сўзларига кўра Лига 1 охирги йилларда анча ўсган.

“Чемпионатда катта ўзгаришлар бўлди. Бу ерда рақобат анча кучайди деб ўйлайман.

Вақт ўтган сари жамоалар бизга қарши алоҳида режалар ишлаб чиқишмоқда ва рақобат пайдо қилишмоқда. Бу эса бизнинг ўсишимизга ёрдам беряпти.

Кўпчилик Лига 1 ни кучсиз деб айтади, лекин АПЛни кўринг “Ливерпуль” қолганлардан 2 бош устун”, - дейди Ди Мария.

Эслатиб ўтамиз, ПСЖ айни дамда энг яқин таъқибчисидан 12 очкога илгарилаб кетмоқда.