Diario Sport: "Барселона" Неймар эвазига ПСЖга 100 млн евро ва Коутиньони таклиф қилмоқда

“Барселона” клуби ҳамон ПСЖдаги собиқ ҳужумчиси Неймарни ортга қайтаришга урунмоқда.

Diario Sport нашрининг ёзишича каталонияликлар 27 ёшли бразилиялик футболчи эвазига Франция чемпионига 100 миллион евро ҳамда Филиппе Коутиньони таклиф қилишган. Айни дамда бу борадаги музокаралар кутилганидан ҳам яхшироқ давом этмоқда.

Гап шундаки, ПСЖга Коутиньо варианти ёқмоқда, “Барселона” эса Неймарни қайтишини хоҳламоқда.

Эслатиб ўтамиз, бундан аввалроқ Неймарга “Реал” Мадрид ҳам қизиқиш билдираётгани ҳақида хабарлар тарқалган эди.

Маълумот учун, ПСЖ Неймарни 2017 йил 222 млн евро эвазига айнан “Барселона”дан сотиб олган эди.

Фикрлар

Фикр қолдириш учун авторизациядан ўтинг!