Дибала "Милан"га ўтмайдиган бўлди

"Ювентус" собиқ футболчиси Пауло Дибала "Милан"га ўтмаслиги аниқ бўлди. Бу ҳақда таниқли журналист Никола Скира хабар берди. 

Манбага кўра, амалдаги А Серия чемпионлари ҳужумчи сотиб олишни устувор вазифа, деб ҳисобламайди. Дибалага ҳам "россонерилар" варианти маъқул келмаган.

Пауло учун курашда "Интер" устунлик қилмоқда. Номзодлар қаторида "Рома", "Манчестер Юнайтед" ва "Тоттенхэм" каби жамоаларнинг номи келтириб ўтилган.

Аргентиналикнинг ўзи фаолиятини Италияда давом эттирмоқчи эканини маълум қилган.