Дибала уни заҳирага олгани учун Аллегрини ҳақорат қилди

Туриннинг “Ювентус” клуби форварди Пауло Дибала кеча бўлиб ўтган “Удинезе”га (2:6) қарши баҳсда ўзини эрта заҳирага олгани учун жамоа бош мураббийи Массимилиано Аллегридан очиқчасига норози бўлди.

Sky Sport Italiaнинг маълум қилишича 23 ёшли аргентиналик футболчи 67-дақиқада майдонни тарк этган ва шундан сўнг заҳира ўриндиғида бориб, испан тилида Аллегрини ҳақорат қилган. Бироқ, 50 ёшли мутахассис унинг бу сўзларини эшитмаган.

Эслатиб ўтамиз, Дибала айни дамда А Сериянинг ортда қолган 9та туридан сўнг 10та гол билан тўпурарлар баҳсида 2-ўринда бормоқда. Бу борадаги энг яхши кўрсатгич “Лацио” ҳужумчиси Чиро Иммобилега тегишли бўлиб турибди. Италиялик футболчи ҳисобда ҳозирча 13та гол мавжуд.

Фикрлар

Фикр қолдириш учун авторизациядан ўтинг!