Дибалага рухсат беришди

“Ювентус” ҳужумчиси Пауло Дибала ниҳоят Туринга қайтди ва тиббий текширувлардан сўнг жамоага қўшилди.

Таъкидлаш керакки, 26 ёшли аргентиналик футболчи 21 март санасида коронавирусга чалинган эди. У ушбу касаллик билан нақд 1,5 ой курашди. J Medical тиббиёт марказида ўтказилган сўнгги текширувлардан сўнг унга жамоа қароргоҳида якка тартибда шуғулланишга рухсат берилган.

“Менда ҳаммаси яхши”, - дейди Дибала Corriere dello Sport нашрига берган интервьюсида.

Пауло Дибала жорий мавсум “Ювентус” сафида жами 13 та гол ҳамда 12 та голли узатмага муаллифлик қилди.