"Динамо" БААга жўнаб кетди. У ердаги рақибларини биласизми?

"Динамо" клуби 2025 йилги мавсумга тайёргарлик режаси доирасидаги хориж йиғинига жўнаб кетди. 

Клуб матбуот хизматининг хабарига қараганда, "Динамо" жамоаси бугун, 15 январда Самарқанд – Абу-Даби авиарейси билан Бирлашган Араб Амирликлари пойтахтига жўнаб кетди.

Вадим Абрамов мураббийлигидаги жамоа 15-29 январь кунлари ўқув-машғулот йиғини ўтказади. Абу-Даби йиғинида хориж клубларига қарши 4 та ўртоқлик учрашуви ўтказилиши ва янги ўйинчиларни синовдан ўтказиш режалаштирилган.

Хусусан, "Динамо" Жанубий Африка, БАА, Россия ва Хитой клубларига қарши майдонга тушади. Ўйинлар тақвими билан танишинг:

18 январ (шанба). "Динамо" - "ТВС" (ЖАР)
21 январ (сешанба). "Динамо" - "Ал-Ваҳда" (БАА)
24 январ (жума). "Динамо" - "Локомотив" Москва (Россия)
28 январ (сешанба). "Динамо" - "Ченгду" (Хитой).

Кўриб турганингиздек, Абрамов жамоаси кучли рақибларга қарши майдонга тушиш имкониятига эга бўлди ва бу унинг жамоасига фойдали бўлиши шубҳасиз. Қизиғи, "Динамо" учта қитъа клубига қарши ўйнайди.