«Динамо» назорат учрашувида «Шўртан»дан устун келди

Про лига янги мавсумига тайёргарлик кўраётган «Динамо» жамоаси Қашқадарё вилоятининг Ғузор туманида «Шўртан» клубига қарши ўртоқлик учрашувида майдонга тушди.

Қизиқарли кечган баҳсда Ҳаким Фузайлов жамоаси сафарда Асрор Алиқулов шогирдлари устидан ғалаба қозонди. Ўйинда ҳисоб биринчи бўлимда Тимур Ҳакимов томонидан очилди. Унинг зарбасини рақиб посбони қайтара олмади.

Иккинчи бўлимда эса захирадан майдонга тушган самарқандлик ёш яримҳимоячи Акмал Козимов иккинчи голни киритган бўлса, ўйин охирида жамоамизнинг украиналик форварди Михайло Удод 3-голга муаллифлик қилди. Учта голга жавобан ғузорликлар фақат битта гол билан жавоб бера олишди – 1:3.

Қайд этиш жоиз, шу куни «Динамо» таркибида самарқандлик ҳимоячи Ғолиб Сарибоев майдонга тушди. У ўтган мавсумни «Турон» сафида ўтказган эди.

«Динамо» жамоаси бугун Ғузордан қайтиб, эртадан тайёргарликни яна Самарқандда давом эттиради.

24 февраль (чоршанба)
Ўртоқлик учрашуви. Ғузор.
«Шўртан» - «Динамо» - 1:3

Голлар: - Тимур Ҳакимов 27, Акмал Козимов 68, Михайло Удод 90+1

«Динамо»: Фарҳод Раҳматов, Дмитрий Сидоренко, Обид Жўрабоев, Жасур Ҳасанов, Комил Шарофутдинов, Олег Марчук, Шохруҳ Абдураҳмонов, Тимур Ҳакимов, Жамшид Ҳасанов, Михайло Удод, Темур Усмонов.

Захирадан майдонга тушганлар: Дилшод Ҳамроев, Муҳаммадқодир Ҳамралиев, Ислом Шарипов, Ҳумоюн Шербўтаев, Сирож Мелиев, Ғолиб Сарибоев, Ислом Шарипов, Акмал Козимов, Сардор Эминов.