Ads

Ташриф дастури доирасида Самарқанд вилоят ҳокимлигининг туризмни ривожлантириш департаментида музокара олиб борилди.  Музокарада вилоят туризмни ривожлантириш департаменти ҳамда вилоят жисмоний тарбия ва спорт бошқармаси вакиллари иштирок этишди. Бу ҳақда вилоят ҳокимлиги матбуот хизмати хабар бермоқда.

Музокарада япониянинг Яманаси префектураси Кофу шаҳрининг “Ванфоре Кофу” ва Самарқанднинг “Динамо” клуби ўсмирлар футбол жамоалари ўртасида ўртоқлик учрашувини ўтказиш масалалари муҳокама этилди.

Ўртоқлик учрашуви жорий йилнинг 3 апрель куни “Динамо” стадионида ўтказилиши режалаштирилмоқда. Ушбу тадбир Самарқандда спорт туризмини ва ёшлар ўртасида спортни ривожлантиришда ижобий рол ўйнайди.