"Динамо" йиғин ўтказиш учун Дукентга жўнаб кетди

Мавсумнинг иккичи қисмига пухта тайёргарлик кўришни мақсад қилган “Динамо” жамоаси Самарқанддаги машғулотлардан кейин бугун, 24 июль куни Тошкент вилоятига жўнаб кетди.

Ҳаким Фузайлов мураббийлигидаги жамоа Дукент тоғли ҳудудидаги машғулотлар базасида 8 кун давомида йиғин ўтказиб, унда футболчиларнинг жисмоний ҳолатини яхшилаш ва назорат учрашуви ўтказишни режалаштирган. 24 июлдан 1 август кунига қадар тайёргарлик кўриб, август ойининг биринчи кунида Дукентдан Самарқандга қайтилади.

Эслатиб ўтамиз, “Динамо” жамоаси про-лига 14-тури доирасида 5 август, пайшанба куни Ғузорда “Шўртан” жамоаси меҳмони бўлади.

“Динамо” матбуот хизмати.