Диёр Имомхўжаев: Машариповда Осиё Чемпионлар лигаси финалида ўйнаган илк ўзбекистонлик бўлиш имконияти сақланиб турибди

Осиё чемпионлар лигаси чорак финал босқичидан ўрин олган "Ал-Ваҳда" ҳамда "Ал-Насср" жамоалари ўртасидаги ўйинда саудияликлар 5:1 ҳисобида ғалаба қозонди.

Риёдликлар сафида ҳаракат қилаётган Жалолиддин Машарипов учрашувни асосий таркибда бошлаб, ўз номига битта ассит ҳамда иккита гол ёздириб қўйди. Легионеримиз ўйинни тўлиқ ўтказди.

Шу тариқа, "Ал-Насср" ярим финалга йўл олди. Саудия клуби "Персеполис" ва "Ал-Ҳилол" жамоалари беллашуви ғолиби билан ўйнайди.

Ушбу воқеликдан сўнг ПФЛ бош директори вазифасини бажарувчи Диёр Имомхўжаев телеграмдаги саҳифасида ўз фикрини билдирди.

- Жалолиддин Машарипов "Ал-Насср"даги энг яхши ўйинини ўтказди ва жамоасини Чемпионлар лигаси ярим финалига олиб чиқди: 2 та гол ва битта голли узатма.

Унда Чемпионлар лигаси финалида ўйнаган илк ўзбекистонлик бўлиш имконияти сақланиб турибди.

"Ал-Ваҳда" ўтган босқичда Отабек Шукуров жамоасини ортда қолдирганди. Бугун эса клуб Саудия жамоасига қарши ҳеч нарса қила олмади, - деди Диёр Имомхўжаев.