Диёр Холматов "Сўғдиёна"га қарши ўйиндаги дурангга изоҳ берди

Суперлиганинг 9-турида "Навбаҳор" "Сўғдиёна"га қарши баҳс олиб бориб, 1:1 ҳисобида дурang қайд этди. Беллашувдан сўнг "лочинлар" ярим ҳимоячиси Диёр Холматов ўз фикрлари билан ўртоқлашди.

— Ассалому алайкум, ўйин ҳақида фикрларингиз?

— "Ассалому алайкум. Аввало, ўйин тенг курашлар остида ўтди. Энг қувонарлиси — гол уриб олдик. Бундай ўйинларда жамоа характер кўрсатиши керак. Худо хоҳласа, кейинги ўйинларда ҳам яхши тайёргарлик кўриб, майдонга тушамиз."

— "Навбаҳор" кетма-кет ўйинларда ғалаба қозонаётган эди. "Сўғдиёна"га қарши баҳсда жамоа дастлабки дақиқаларда бироз хотиржам ўйнагандай туюлмади?

— "Йўқ, бу футбол. Ҳозир барча жамоалар қандай ўйнашни яхши билади. Биз ҳам рақибни, жумладан "Сўғдиёна"ни таҳлил қилганмиз. Ҳамма яхши кайфиятда майдонга тушди. Бундай ўйинларда турли вазиятлар бўлиши табиий."

— "Сўғдиёна" дастлабки дақиқаларда гол ўтказиб юборади. Бу ўйинда эса "Навбаҳор"нинг аввалги ўйинларидаги услуби кўринмади, гўё иккинчи бўлимда гол урамиз дегандек ҳаракат қилди...

— "Бундай ҳолатлар кўп учрайди. Айтганимдек, бу футбол ва унда ҳар хил вазиятлар бўлиб туради. Европада ҳам кучли жамоалар Чемпионлар лигасида мағлуб бўлиб туради."