Diyora Keldiyorova Universiada o‘yinlari sovrindori!

Hozirgina -52 kg vazn toifasidagi vakilamiz o‘smirlar o‘rtasida jahon chempioni, kattalar orasida Osiyo chempioni Diyora Keldiyorova Universiadaning bronza medalini qo‘lga kiritdi. Bu haqda dzyudo federatsiyasi matbuot xizmati xabar berib o‘tdi.

Diyora bronza medali yo‘lida kechgan saralash bellashuvlarni muvaffaqiyatli yakunladi. Keldiyorova braziliyalik Yasmim Lima, portugaliyalik Yoana Diogo va mo‘g‘ulistonlik Buyanxishig Purevsurenni mag‘lubiyatga uchratdi. Bronza uchun uchrashuvda esa germaniyalik Annika Vurfeldan ustun keldi.

Shu tariqa, O‘zbekiston sport delegatsiyasiga Universiadadagi uchinchi medalni ham dzyudochilarimiz taqdim etishdi.