"Diyoralarni eplab bo‘lmayapti"! Terma jamoamiz futbolchisi "Trabzonspor" klubiga ko‘chib o‘tdi

O‘zbekiston ayollar terma jamoasi a’zosi Diyora Xabibullaeva faoliyatini legioner sifatida davom ettiradigan bo‘ldi. 

O‘FA matbuot xizmati bergan xabarga ko‘ra, u Turkiyaning "Trabzonspor" klubiga ko‘chib o‘tdi. 

Bir necha kundan so‘ng (15 sentyabr) 25 yoshni qarshi oladigan futbolchimiz "So‘g‘diyona - W"dagi faoliyati bilan nom qozongan. Bundan tashqari, u 2021 yili O‘zbekistonda "Yilning eng yaxshi ayol futbolchisi" nomiga sazovor bo‘lgan. Shuningdek, Diyora 2021-2023 yillar oralig‘ida ketma-ket uch yil chempionat to‘purari bo‘lgan va 2023 yilgi mavsumda 61 bor raqiblari darvozasini ishg‘ol qilgan.