Дмитрий Биволнинг собиқ рафиқаси боксчидан яна пул талаб қилмоқда

Россиялик боксчи Дмитрий Биволнинг собиқ рафиқаси Екатерина Бивол икки фарзанди учун оладиган алимент миқдори ҳақида гапирди.

"Мамлакатимизда қонун бор: ажрашгач, болаларнинг турмуш даражаси пасаймаслиги керак. Катта ўғлим уч ёшидан бери хоккей билан шуғулланади – унинг конкиси тахминан 72 минг рубл туради. Уни мен сотиб олдим, лекин нега Бивол эмас? Нега отаси билан хоккей ўйнаган ўғлим отасисиз энди бу спортни ташлаши керак? Ҳозир у ойига 128 минг рубл тўлайди. Аслида эса икки бола учун 516 минг рубл керак", — деди Екатерина Бивол "Пусть говорят" дастурида.

Эслатиб ўтамиз, ушбу жуфтлик 2023 йилда ажрашган.