Donnarumma "Milan"dan ketadimi?

"Milan" va Italiya terma jamoasi darvozaboni Janluiji Donnarumma yozda "rossonerilar" tarkibini tark etishi mumkin.

Calcio Mercato nashri xabariga ko‘ra, milanliklar futbolchining ketishiga tayyorgarlik ko‘rish maqsadida, unga o‘rinbosar topib ulgurishdi. Manbaga ko‘ra, "Milan" Donnarumma ketadigan bo‘lsa, "Torino" darvozaboni Salvatore Sirigu transferini amalga oshirishni rejalashtirmoqda.

Joriy mavsumda italiyalik futbolchi "rossonerilar" safida A Seriyada 22 ta o‘yinda 30 ta gol o‘tkazib yubordi.