Доннаруммани Италияга қайтарадиган иккита клуб чиқди

Италиялик дарвозабон Жанлуижи Доннарумма «Манчестер Сити» билан йўлларини ажратиши мумкин. Футбол инсайдери Экрем Конурнинг маълум қилишича, бу, аввало, клуб молиявий фэйр-плей қоидаларини бузгани учун жиддий жазога тортилса, реал сценарийга айланиши эҳтимолдан холи эмас.

Инсайдерга кўра, агар Доннарумма «Манчестер Сити»дан кетадиган бўлса, унинг асосий варианти яна Италия чемпионатига қайтиш бўлиши мумкин. Ҳозирча дарвозабоннинг келажагини диққат билан кузатаётган клублар орасида «Милан» ва «Интер» тилга олинмоқда. Шу билан бирга, аввалроқ манбалар «Бавария» ҳам Доннарумма билан шартнома имзолаш имкониятини ўрганаётганини хабар қилган эди.

27 ёшли Доннарумма 2025 йилдан буён «Манчестер Сити» шарафини ҳимоя қилиб келмоқда. Ундан олдин француз клуби ПСЖ таркибида ўйнаган, 2015–2021 йиллар орасида эса «Милан» дарвозасини қўриқлаган.